Didier Deschamps nuk do të largohet nga ‘Les Bleus’ edhe pas eliminimit zhgënjyes në Euro 2020, pasi Federata e Futbollit të Francës me president Noel Le Graet e kanë konfirmuar atë si trajner.

Zinedine Zidane,shihej si favorit për të zëvendësuar Deschampsin, por do të duhet të vazhdojë të presë që të marr drejtimin e Francës.

Vetë Zidane kishte thënë se puna në Francë është vendi i tij i ëndrrave pas largimit nga Real Madridi në fund të sezonit 2020/21.

Le Graet foli për ‘Le Figaro’ dhe e bëri të qartë se Deschamps do të ketë shansin të kompensojë shfaqjen e keqë të Francës në Euro 2020.

“Përgjigjja është po”, u përgjigj Le Graet kur u pyet nëse Deschamps do të vazhdojë të jetë në krye të Francës në Kupën e Botës 2022 .

“Ne u takuam të mërkurën dhe e zgjidhëm në tre minuta. Dëshira e tij për të vazhduar është e fortë edhe e imja. Nuk pati asnjë debat”, deklaroi ai.