Emri i Zinedine Zidane është shfaqur sërish si zëvendësues i mundshëm i Mauricio Pochettinos në stolin e Paris Saint-Germain pavarësisht se klubi nuk e ka komunikuar vendimin e tyre për t’u ndarë me argjentinasin.

Edhe presidenti francez Emmanuel Macron ka shprehur publikisht dëshirën e tij për të parë Zidanin të punojë me një klub francez, siç kishte bërë më parë me Kylian Mbappe, të cilin e këshilloi të rinovonte kontratën me PSG -në.

Klubi i Ligue 1 ka vendosur të synojë emërimin e Zidane, me trajnerin francez që ka zbuluar në të kaluarën se dëshiron të jetë trajner i Les Blues.

Ardhja e mundshme e Zidane në PSG nuk ka të bëjë fare me rinovimin e Mbappes.

Oferta financiare dhe mundësia për të marrë përsipër një projekt që i ofron atij kontroll janë faktorët që mund ta joshin tre herë fituesin e Champions League te PSG.

Pronarët nga Katari besohet se favorizojnë Zidane. E kaluara e tij nga Marseille dhe Real Madrid thuhet se e ka penguar atë të bashkohet me PSG -në.

Megjithatë, marrëdhënia e tij me Los Blancos tani është e tensionuar.

Pas largimit të Zidane verën e kaluar, është vënë re një farë largimi në lidhje me marrëdhënien e tij me Los Blancos.

Francezi ka festuar në llogaritë e tij në rrjetet sociale pas fitores së Real Madridit në finalen e Champions League, por deri aty.

Në fakt, gjatë sezonit nuk ka pasur asnjë kontakt apo përgjigje nga Zidane për mesazhet e marra, duke përfshirë disa nga Carlo Ancelotti.

Tifozët e Real Madridit mund të ndihen të lënduar nëse Zidane i bashkohet PSG-së, por trajneri francez është një profesionist që e sheh klubin parisien si një opsion të mirë.

Vite më parë, Zidane u bë ambasador për ofertën për Kupën e Botës të Katarit 2022. Për momentin ai nuk ka lidhje të mëtejshme me Katarin përtej paraqitjes së herëpashershme komerciale, pasi Adidas mbetet sponsori i tij kryesor.