Zidane sqaron shitjen e Achraf Hakimit te Interi

Prishtinë | 01 Kor 2020 | 16:43 | Nga Ekonomia Online

Zinedine Zidane ka shpjeguar vendimin e Real Madridit për të shitur Achraf Hakimin te Interi.

Mbrojtësi maroken ka kaluar dy sezonet e fundit në huazim te Borussia Dortmund dhe tani është afër kalimit te Nerazzurët për 45 milionë euro.

Kalimi ka shqetësuar disa tifozë të Los Blancos, duke pasur parasysh potencialin dhe shkathtësinë e tij, por Zidane beson që të dyja palët do të përfitojnë.

“Hakimi është i yni, por gjithçka mund të ndodhë nga kjo pikë e tutje,” ka thënë trajneri në një konferencë për shtyp.

“Ai ka pasur një sezon të mirë, por në këtë klub duhet të merren parasysh dy palë: ajo ekonomike dhe ajo sportive”.

“Tani nuk është koha të flasim për të. Gjërat mund të ndodhin shpejt, por unë po flas për anën sportive të gjërave”.

“Jam i interesuar për situatën e Achrafit, por është diçka që klubi vendos. Ka një klub, një lojtar dhe një trajner të përfshirë”.

“Vendimet përfundojnë duke u bërë dhe kjo është ajo çfarë po ndodh tani”, ka shtuar më tej Zidane.

Të ngjashme