Milan kanë njoftuar për arritjen e marrëveshjes me yllin brazilian, Lucas Paqueta.
Paqueta do të kalojë nga Flamengo tek Milan, për shumën e 35 milionë eurove.
Lojtari ka nënshkruar kontratë për katër vite e gjysmë me skuadrën nga “San Siro” shkruan “Football Italia”, transmeton lajmi.net.
Paqueta do të bashkohet me shokët e skuadrës së Milanos më datën 7 janar të këtij viti, datë me të cilën rifillojnë stërvitjet e Milan.
Paqueta me Flamengon ka regjistruar 65 paraqitje, në të cilat ka arritur të shënojë 13 herë.
Ai është paraqitur edhe me kombëtaren e Brazilit në ndeshjen kundër SHBA.