Gjiganti teknologjik Bosch ka ridizajnuar tërësisht “pajisjen” kundër diellit në veturë, një nga pjesët më të vjetra dhe më bazike, duke i dhënë formë të re.

“Virtual Visor”, i shpalosur para debutimit në Consumer Electronics Show në Las Vegas, bllokon rrezet e diellit teksa i jep shoferit pamje të papengueshme të rrugës përpara.

Kjo pajisje është e madhësisë së njëjtë dhe formës së njëjtë me “maskën” e zakonshme.

Megjithatë, ky është një panel transparent që përmes inteligjencës artificiale analizon pamjet që dërgohen nga kamera e përparme e cila monitoron shikimin e shoferit dhe reagimet e tij. Kjo kamerë monitoron se si dielli po e godet fytyrën e ngasësit. Në bazë të reagimeve të syve, ajo e kupton nga po vjen dielli dhe automatikisht e bllokon atë pjesë. Procesi ndodh në kohë reale.

Bllokimi i diellit krijon një hije sikur syzet e diellit.

Boschi nuk ka bërë të ditur se kur do të lansohet pajisja.