Instagram është duke e testuar një mënyrë të re të blerjes së produkteve përmes aplikacionit në iOS.

Mbi 20 firma amerikane duke përfshirë Target, Levi’s, Kate Spade dhe Macy’s do të mund të japin detajet e blerjeve në postimet e tyre në Instagram.

Për të blerë ndonjë produkt në Instagram, do të shfaqet një link ‘Shop Now’ që do të lidh produktin e kërkuar në një faqe të re në Safari.

Ky opsion do të lehtësojë shumë blerjen në Instagram, duke e sjell shërbimin direkt në aplikacion, pa pasur nevojë të vizitoni biografinë e një llogarie për të gjetur linkun për faqen e blerjes.

Instagram po-ashtu ka njoftuar se planifikon të sjell rekomandime për produkte të ndryshme dhe tiparin e ruajtjes së produkteve për t’i vizituar më vonë.

Tipari i ri për blerje në Instagram do të lansohet javën e ardhshme për disa përdorues të selektuar të iOS në SHBA.