iPhone i ri nga Apple, përkatësisht modelet e quajtura iPhone 7 dhe iPhone 7 Plus do të prezantohen sonte në një konferencë shtypi, por sipas një raporti të fundit thuhet se iPhone 6S ishte pajisja më e popullarizuar mobile në mbarë botën për tremujorin e dytë të vitit 2016.

Lajmi vjen në një raport nga Strategy Analytics që ka zbuluar se iPhone 6S ishte telefoni më i njohur dhe iPhone 6 ishte i dyti në listë.

Në vendin e tretë ishte Samsung Galaxy S7 Edge.

“Ne vlerësojmë se modeli i telefonit të Apple, iPhone 6s është shitur në 14.2 milionë njësi dhe llogaritet se morri 4 pjesë të përqindjes të të gjithë telefonave të shitur në mbarë botën në TM2 2016” ka thënë Neil Mawston, Drejtori Ekzekutiv i Strategy Analytics.

iPhone 6s i Apple aktualisht është telefoni më popullor në botë. iPhone 6s është tejet popullor në disa vende, për shkak të dizajnit të tij tërheqës harduerit të përzier me karakteristika të pasura të tilla si video në 4K, ekranin më të madh multi-touch, dhe të sigurisë me gjurmë gishtash.