Kriptovaluta Libra nuk është ndërtuar për të zëvendësuar paratë tradicionale

Prishtinë | 30 Sht 2019 | 09:37 | Nga Ekonomia Online

Kriptovaluta e Facebookut e cila do të lëshohet në përdorim nga një organizatë me seli në Zvicër, nuk është krijuar për të zëvendësuar paratë tradicionale ekzistuese, kështu tha një drejtues i Libra Association.

Sipas Bertrand Perez, kjo kriptovalutë nuk është në hapësirën e zëvendësimit.

“Nuk jemi në hapësirën e zëvendësimit të një politike dhe rezerve monetare”, tha Perez gjatë një konference të Blockchain në zyrat qendrore të Kombeve të Bashkuara në Gjenevë.

Projekti sipas tij mund të ndihmojë Kombet e Bashkuara të arrijnë objektivat e tyre të zhvillimit si eliminimi i varfërisë dhe barazia gjinore.

Në këtë konferencë morën pjesë edhe zyrtarë të Bankës Qendrore Zviceriane dhe Fondit Monetar Ndërkombëtar.

Ditë parë një ekzekutiv i kompanisë ka lajmëruar se kjo valutë do të jetë në dispozicion vitin e ardhshëm.

Që kur kompania publikoi planet për Libra në muajin qershor, është përballë me akuza dhe kritika të shumta në Evropë, veçanërisht në Francë dhe Gjermani të cilat kërcënojnë me bllokimin e saj.

Projekti i gjigantit të medias sociale është një tentativë e profilit të lartë për të nxitur adoptimin masiv të kriptovalutave.

Vlera e Libras do të bazohet në asete reale ku përfshihen depozita bankare dhe letra me vlerë afatshkurtra. Kriptovaluta do të mbikëqyret nga një organizatë me 28 anëtarë. 

Fjalë Kryesore:

Të ngjashme