Përdoruesit e Applet së shpejti do të mund të hapin dyert e shtëpisë me telefon

Prishtinë | 30 Maj 2018 | 14:45 | Nga

Apple synon të prezantojë një tipar të ri që do t’i lejojë përdoruesit e iPhonet të hapin dyert në shtëpi dhe dyert e veturave duke përdorur telefonin.

Engadget shkruan se do të jetë e mundur në sajë të çipit NFC (komunikim afër fushës) në telefonin e mençur, i cili lejon përdorimin e shërbimeve të tilla si Apple Pay.

Ndryshimi i çipit NFC pritet muajin e ardhshëm dhe duhet të shënojë fillimin e përdorimit të iPhone për ndërveprime të tjera të ndjeshme ndaj sigurisë, nga pagesat e transportit e deri te hapja e derës dhe verifikimi i identitetit.

Çipi NFC mund të përdoret në një numër mënyrash, duke përfshirë përdorimin në industrinë e kujdesit shëndetësor, transmeton ksp.

Ndryshimet do të vijnë në përditësimin iOS 12, dhe mbi këto aftësi Apple ka punuar që nga 2014 me HID Global. Prezantimi i veçorive të reja pritet në fillim të qershorit në Worldwide Developers Conference (WWDC).

Fjalë Kryesore:

Të ngjashme