Një ditë para premierës botërore, fotot e para të versionit Targa të 911 mbërritën në internet.

Për shkak të pandemisë, Porsche u detyrua të shtyjë prezantimin e Targa të re 911, kështu që modeli do të debutojë në internet të hënën, 18 maj, në vend të panairit të veturave në prill.

Ndërsa jemi duke pritur që Porsche të publikojë detajet teknike, fotot e para të kësaj veture kanë rrjedhur online, megjithëse me cilësi më të ulët.

Prodhuesi gjerman ka vendosur të rimarrë modelin retro të gjeneratës së mëparshme Porsche 911 Targa, me një panel qendror të palosshëm të çatisë, një shirit të gjerë rrotullues pas tij dhe një sipërfaqe fikse të pasme të xhamit.

Duke gjykuar nga fotografitë e para, e njëjta teknologji u aplikua për gjeneratën e fundit.

Targa 911 pritet të ofrojë të njëjtët motor sikurse Carrera coupe. Kjo do të thotë që klientët do të jenë në gjendje të zgjedhin midis njërit prej dy motorëve, atë 3.0 litra turbo me 450 kuajfuqi si dhe atë 3.0 litërsh me 385 kuajfuqi.