Një lansim i 6 shtatorit u përfol kohët e fundit për Samsung Galaxy Fold të vonuar, dhe tani duket se një raport tjetër konfirmon thashethemet.

Korea Herald shkruan se “Samsung Electronics po bën përpjekjet e minutës së fundit për të lansuar telefonin e parë me ekran të palosur në botë, këtë javë”.

Këtë të Premte, Samsung pritet të nxjerrë një grumbull fillestar prej 20,000 deri 30,000 njësi Galaxy Fold për tregun e brendshëm.

Versione fizike të pajisjes do të jenë në dispozicion të publikut në IFA të ardhshëm 2019.

E zeza, argjendi, jeshile dhe blu do të jenë opsionet e ngjyrave dhe çmimi në Kore do të jetë rreth 2.39 milion won, që përkthehet në afërsisht 1,965 dollarë. (Kosovalive)