Shefi i kompanisë teknologjike turke Bayraktar, prodhuesi turk i dronëve, mjeteve fluturuese pa pilot, shpalosi prototipin e një automjeti fluturues që, nëse materializohet, do të ishte i pari i këtij lloji në Turqi.

“Kompania ka punuar në vizatimin teknik, dizajnimin, testimin, detajimin dhe prodhimin e këtij prototipi për tetë muaj”, citon AA Selçuk Bayraktarin në Twitter.

Sona yaklaşırken biraz süsleme zamanı da geldi.😉
4 farklı alternatifden sizce hangisi olsun? Takip eden sıralı twitlerde beğendiğiniz tasarımı fav'layın.
Not: İniş takımlarının tasarımı değişti.

Türkiye'nin ilk Milli Uçan Araba prototipi.#CEZERİ ✈🚗🇹🇷#MilliTeknolojiHamlesi pic.twitter.com/Y1Ta9hl0jI

— Selçuk Bayraktar (@Selcuk) August 5, 2019

Automjeti fluturues i quajtur “Cezeri” pritet të kompletohet këtë shtator dhe mund të shfaqet në Teknofest, festivalin më të madh në Turqi të hapësirës ajrore dhe teknologjisë.

Automjeti ka marrë emrin e inxhinierit të famshëm mysliman Al Jazari, i cili jetoi mes viteve 1136 dhe 1206.

Gjithashtu, Bayraktari nisi një anketë për të zgjedhur njërën prej katër ngjyrave për prototipin.

Kompania Bayraktar, e themeluar në vitin 1984, prodhon dronë të armatosur dhe të paarmatosur, sisteme kontrolli, simulatorë dhe sisteme për avionë.