Facebook ndoshta është distancuar nga postimi i vendndodhjes mes miqve në aplikacionin e tij, por WhatsApp duket se po lëviz në këtë drejtim.

Kjo e re që ka dalë në versionin beta të programit më popullor të mesazheve, tregon se WhatsApp ka zhvilluar një gjurmim të vendndodhjes në kohë reale që mund të përdoret mes miqve.

Kjo quhet “Live Location Tracking” në programin beta, dhe që aktualisht është në Android (versioni 1.16.339) dhe në iOS (versioni 2.17.3.28). Për momentin ai i jep mundësi përdoruesve të aktivizojnë për një periudhë të caktuar kohe Live Location Tracking. Gjatë kësaj kohe përzgjedh personat që do të mund të ndjekin saktësisht vendndodhjen tuaj në aplikacion.

Por gjithashtu ka dhe një opsion tjetër, “Enabled Indefinitely”, që mund të aktivizohet, transmeton tch. Ajo aktivizohet kur përpiqesh të takohesh me miqtë në një vend me njerëz. Ose mund të përdoret vetëm për anëtarët e familjes.