BE-ja synon të vendos tarifa të reja tregtare kundër ShBA-së

Prishtinë | 18 Pri 2019 | 11:07 | Nga Ekonomia Online

Bashkimi Evropian po shqyrton vendosjen e tarifave të reja prej 20 miliardë dollarësh kundër Shteteve të Bashkuara të Amerikës si kundërmasë ndaj subvencioneve për avionët Boeing.

BE-ja ka nisur një konsultim publik në një listë prej 11 faqesh të importeve amerikane që mund të synojë për tarifa shtesë për mallrat nga çanta e deri tek helikopterët.

Zëdhënësi i Komisionit Evropian, Daniel Rosario, tha se ekzekutivi evropian duhet të kërkojë nga një arbitër i Organizatës Botërore të Tregtisë që të përcaktojë nivelin e kundërveprimeve që mundet të vendoset për palën tjetër.

“Në përgjithësi, lista përfaqëson një shumë afro 20 miliardë dollarë amerikanë të eksporteve amerikane në BE. Tani, kur është fjala për vendimin e mundshëm për nivelin e kundërmasave të SHBA-së, ky vendim duhet të merret i ndikuar nga vendimi përfundimtar i arbitrit të OBT-së që e presim në të ardhmen e afërt”, tha Rosario, përcjell Telegrafi.

Shtetet e Bashkuara dhe BE-ja kanë zhvilluar një luftë rreth 15 vjeçare në OBT duke akuzuar njëra-tjetrën për subvencione ndaj kompanive Boeing dhe Airbus.

Javën e kaluar, presidenti i SHBA-së, Donald Trump, propozoi një listë prej shtatë faqesh për vendosjen e tarifave të reja me vlerë rreth 11 miliardë dollarësh mbi një sërë eksportesh të Bashkimit Evropian. 


Fjalë Kryesore:

Të ngjashme