Ministrja në detyrë, e Kulturës, Rinisë dhe Sportit Vlora Dumoshi i’u është adresuar të rinjve në platformën Zoom në lidhje me 400 të punësuarit në kuadër të Pakos Emergjente të Qeverisë, raporton Ekonomia Online.

Ajo ka sqaruar se 400 të rinj fillojnë praktikën në biznese dhe OJQ, financuar nga Fondi i Rimëkëmbjes për MKRS-në, projekt ky që zbatohet UNDP dhe Agjencia e Punësimit.

Dumoshi ka thënë se Qeveria Hoti ka ndarë 5 milionë euro për MKRS-në. Ajo ka thënë se programi i MKRS-së ka për qëllim prioritetet e të rinjve. Tutje ka shtuar se 400 të rinj janë me kontratat pune.

“Për mu është kënaqësi dhe ditë e veçantë dhe kishte me qenë më mirë për mua që të takohemi fizikisht. Qeveria Hoti në këtë pako ka paraparë MKRS me shumën prej 5 milionë euro, dhe punësimi është nevojë e madhe për të rinjtë e Kosovës dhe kjo është një mundësi e mirë për të gjithë që kanë aplikuar”.

“400 të rinj janë me kontrata të punës dhe ne si ministri në programin tonë gjithmonë e kemi pasur që të ju japim hapësirë të rinjve në programe të ndryshme edhe te pjesa e ndërmarrësisë dhe me certifikimin e 1 500 të rinjve, dhe që kjo ndikon direkt në zhvillimin ekonomik të Kosovës dhe ne kemi nevojë për kreativitetin të rinjve tanë që ne duhet të themi që të rinjtë tanë janë e tashmja jonë”.

Ajo ka thënë se numri i të punësuarve do të arrijë deri në 900 persona.