Gjilani në pritje të rezultateve për 349 mostra për Covid-19

Prishtinë | 09 Nën 2020 | 10:39 | Nga Ekonomia Online

Komiteti i Gjilanit për menaxhimin dhe parandalimin e përhapjes së COVID-19, nën udhëheqjen e drejtorit të Shëndetësisë, Selami Xhemaili, ka mbajtur mbledhjen e radhës për vlerësimin e situatës me virusin.

“Drejtori i Shëndetësisë, Selami Xhemaili, ka bërë të ditur se 349 mostra janë në pritje në këtë komunë për rezultat të testit për COVID-19.

Në emër të Komitetit, ai ka apeluar të gjithë qytetarët dhe bizneset që t’i respektojnë rekomandimet për parandalimin e përhapjes së virusit, që është bartja e maskave, mbajtja e distancës dhe higjienës personale”, thuhet në njoftimin për media.

Gjendja e përgjithshme në Gjilan është si vijon: 1707 raste pozitive në total, 1270 të shëruar, 380 raste aktive, 57 të vdekur, 39 të hospitalizuar dhe 349 mostra në pritje për rezultat.

Fjalë Kryesore:

Të ngjashme