Në seancën e rregullt të Kuvendit të Kosovës, deputetët kërkuan sqarime nga ministri i MMPH-së, Fatmir Matoshi së çfarë po ndodh me ujërat e zeza në Landovicë dhe mbetjet nga mbeturinat në Zhur, raporton Ekonomia Online.

Ministri i MMPH-së, Fatmir Matoshi, tha se po merren masat e nevojshme.

“KMDK sipas urdhëresës ka ndërmarrë masa duke bërë një lagunë tjetër për të penguar rrjedhjen e ujërave të zeza. Ky sistem bëhet jofunksional sidomos gjatë reshjeve të shiut. Ju njoftojmë se KMDK ka aplikuar dhe është në procedurë për lejen e integruar të kësaj deponie. Sa i përket mbetjeve në Zhur është në mbikëqyrjen e inspektoratit komunal dhe MMPH ka vepruar dhe e ka dërguar në gjykatë”, ka thënë Matoshi.

Ai ka thënë se është shqetësuese ndotja e ujërave që mund të ndodhë në rrjedhën e Landovicës.

“Është shqetësuese ndotja e ujërave që mund të ndodhë në rrjedhën e Landovicës. Masa të tjera nuk mund të marrim përveç që mund ta përcjellim me inspektime të rregullta edhe deponinë e Landovicës edhe atë të mbetjeve në Zhur sepse asnjëra nga këto nuk  është përgjegjësi e ministrisë”, tha ai.

?DREJTPËRDREJT – Kuvendi i Kosovës mban seancë plenare. Në rend dite janë 17 pika: shqyrtimi i propozim-amendamentit nr. 26 në Kushtetutën e Kosovës; votimi i Projektligjit për mbrojtjen e vlerave të luftës së UÇK-së; Raporti i Komisionit Hetimor Parlamentar në lidhje me shpenzimet për lobim nga ana e Presidencës dhe Qeverisë etj

Posted by EkonomiaOnline on Friday, April 12, 2019