Ministria e Infrastrukturës dhe Transporit, e cila udhëhiqet Ministri në detyrë Pal Lekaj,  përmes një komunikate për media ka thënë se ka pritur me shqetësim paralajmërimet e sindikatës së punëtorve të aeroportit ndërkombëtar Adem Jashari, shkruan EkonomiaOnline.

Në komunikatë tutje thuhet se kompania “Limak” duhet të i respektojë ligjet e Kosovës pasi sipas kësaj ministrie është e dëmshme ndalja e punës.

Komunikata e plotë”

Ministria e Infrastrukturës dhe Transportit, ka pranuar me shqetësim paralajmërimet e Sindikatës së Pavarur të Punëtorëve të Aeroportit Ndërkombëtar Adem Jashari për fillimin e protestave.

Prandaj apelojmë tek të dyja palët, drejtuesit e sindikatës dhe ata të aeroportit, që të diskutojnë rreth zgjidhjes së problemeve për të cilat punëtorët janë të pakënaqur.

Njëkohësisht, MIT me në krye ministrin Pal Lekaj, i bën thirrje konsorciumit “Limak”, që të respektojnë me përpikëri ligjet e Republikës së Kosovës dhe kontratën për koncesionimin e ANP “Adem Jashari”.

Konsiderojmë që është e dëmshme ndalja e punës nga ana e punonjësve të aeroportit, pikërisht në kohën e fluksit më të madh të udhëtarëve, veçanërisht diasporës.

Këto qëndrime, tek të dyja palët, në takime të ndara, i përcolli zëvendësministri i Infrastrukturës dhe Transportit, Rexhep Kadriu.

Me respekt,