Shtatëvjeçarët obezë janë në rrezik më të madh të vuajnë nga probleme emocionale, të tilla si ankthi dhe disponimi i ulët, kur arrijnë në moshën 11 vjeçare, sugjeron një studim i madh i realizuar në Mbretërinë e Bashkuar.

Studiuesit zbuluan se obeziteti dhe shëndeti mendor ishin të lidhura ngushtë dhe gradualisht pësuan rritje gjatë gjithë fëmijërisë.

Vajzat priren të kenë Indeks të Masës Trupore (BMI) më të lartë dhe më shumë probleme emocionale sesa djemtë.

Megjithëse studimi nuk ka analizuar shkaqet, thuhet se varfëria ka gjasa të rrisë rrezikun e të dy problemeve.