Suspendohet polici Fadil Kadriaj, që plagosi dy qytetarë në Dragash

Prishtinë | 04 Mar 2021 | 19:19 | Nga Ekonomia Online

Fadil Kadriaj është zyrtari policor i cili sot pasdite dyshohet se ka plagosur dy qytetarë pas një mosmarrëveshje rreth një veture në fshatin Glloboçicë të Dragashit.

Reporteri.net merr vesh se Kadriaj është suspenduar dhe së shpejti pritet edhe arrestimi i tij.

Ndërkohë qytetarët e plagosur janë jashtë rrezikut për jetën.

Zëdhënësi i Policisë për Rajonin e Prizrenit, Shaban Osmanollaj ka thënë se qytetarët e plagosur janë jashtë rrezikut.

“Rreth orës 16 e 40 në fshatin Gllioboçicë një zyrtar policor jashtë detyrës ka pasur një mosmarrëveshje me dy qytetar ku si pasojë e ka përdorur armën e zjarrit. Viktimat kanë pësuar lëndime por janë jashtë rrezikut”, ka thënë Osmanollaj.

Fjalë Kryesore:

Të ngjashme