Gjykata Supreme refuzon ankesën e Listës Serbe kundër vendimit të PZAP-it

Prishtinë | 05 Nën 2021 | 12:32 | Nga Ekonomia Online

Kolegji i Gjykatës Supreme e ka refuzuar si të pabazuar ankesën e Listës Serbe, të paraqitur kundër vendimit të Panelit Zgjedhor për Ankesa dhe Parashtresa (PZAP).

Kolegji i Gjykatës Supreme në seancën e datës 4 nëntor 2021 ka vendosur lidhur me ankesën e subjektit politik Lista Serbe, paraqitur kundër vendimit të Panelit Zgjedhor për Ankesa dhe Parashtresa (PZAP), A.nr.725/2021, të datës 31.10.2021, duke e refuzuar atë si të pabazuar.

Ndryshe, me vendimin e Panelit Zgjedhor për Ankesa dhe Parashtresa A.nr.725/2021, datë 31.10.2021, në pikën I është pranuar pjesërisht si e bazuar apeli A nr. 725/2021, i datës 29.10.2021 i paraqitur nga Strahinja Spasić, kandidat për Kryetar të Komunës Kllokot, nga subjekti politik GI Srpska Narodna Sloga, ndërsa subjektit politik Lista Serbe i shqiptohet dënim me gjobë në lartësi prej 8,100.00 euro, për shkak të shkeljes së Kodit të Mirësjelljes për subjektet politike, mbështetësit e tyre dhe kandidatët për zgjedhjet lokale të datës 17.10.2021.

Të ngjashme