Në ora 19:00 janë mbyllur vendvotimeve në Kosovë, raporton Ekonomia Online.
Ekonomia Online ka qëndruar në qendrën e votimit në Prishtinë shkolla “Elena Gjika”. Aty nuk është raportuar për parregullsi.
Kryetari i Komitetit Olimpik të Kosovës, Besim Hasani, i cili votoi në këtë shkollë , është shprehur optimist se fituesi i zgjedhjeve do të bëjë më shumë për sportin.
Qytetarët në zgjedhjet lokale votuan për të zgjedhur kryetarët e rinj dhe përbërjet e reja të asambleve komunale për 38 komunat e Kosovës.
Këto ishin zgjedhje të rregullta lokale dhe të drejtë vote kishin 1 milion e 885 mijë e 448 votues.