PDK: Prizrenasit kanë votuar për ndryshim, por nuk është koha për festë

Prizren | 14 Nën 2021 | 19:39 | Nga Hasan Hoti Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Partia Demokratike e Kosovës (PDK) ka nisur festën në komunën e Prizrenin, pasi sipas të dhënave të komisionerëve të tyre dhe projeksioneve, kandidati i tyre Shaqir Totaj e ka mposhtur Mytaher Haskukën e VV-së.

Anëtarë dhe simpatizantë janë mbledhur në selinë PDK-së, dhe me brohorima kanë thirrur derisa shefi i Shtabit Zgjedhor, Kujtim Gashi, e shpalli fitoren, raporton Ekonomia Online.

Ish-ministri Gashi tha se në bazë të rezultateve, kjo parti ka dalë fituese. Por edhe ai vetë ka qenë i kujdesshëm, duke kërkuar që të mos festohet.

“Në bazë të rezultateve në terren dhe ‘exit polleve’, kandidat ynë ka fituar në këto zgjedhje. Është një natë e bukur dhe dëshiroj të falënderoj të gjithë qytetarët të cilët kanë vendosur për ndryshim”.

“Është e rëndësishme që qytetarët kanë dalë të votojnë për ndryshim:.

“Por, nuk është koha për festë, sepse duhet të presim shpalljen e rezultateve. Prandaj ju kërkoj vëzhguesve dhe komisonerëve që të qëndrojnë në ruajte të votës dhe të numërojnë çdo votë të qytetarëve”.

“Ditë të mora po vijnë për qytetarët e Prizrenit”, ka theksuar Gashi.

Të ngjashme