Ministria e Shëndetësisë dhe Mbrojtjes Sociale e Shqipërisë, bëri të ditur se në 24 orët e fundit, janë kryer 1057 testime, nga të cilat kanë rezultuar pozitivë me COVID-19, 53 qytetarë.

Sipas MSHMS-së, rezultuan pozitiv me COVID-19, 25 qytetarë në Tiranë, 8 në Fier, 4 në Himarë, nga 3 në Vlorë e Sarandë, 2 në Pogradec, nga 1 në Shkodër, Kukës, Durrës, Përmet, Berat, Elbasan, Gramsh, Mirditë.

MSHMS informon se janë 374 pacientë aktivë me COVID-19 në të gjithë vendin.

“Aktualisht në spitalin COVID 3 po marrin trajtim 7 pacientë. Në 24 orët e fundit nuk ka asnjë humbje jete me Sars-Cov-2. Janë shëruar 90 qytetarë gjatë 24 orëve të fundit, duke e çuar numrin e të shëruarve në 271,185 që nga fillimi i epidemisë”, bën të ditur Ministria.