Gjykata ruse e ka dënuar me 20 vjet burg një person për vrasjen e liderit opozitar Boris Nemstov, ndërsa katër të tjerëve iu ka shqiptuar dënime mes 11 dhe 19 vjet burg.

Nemtsov, njëri nga kritikët më të zëshëm të Putinit, u vra në vitin 2015 teksa po ecte përgjatë një ure afër Kremlinit, pasi që kishte ngrënë darkë me të dashurën, transmeton Express.

Gjykata e njëjtë i shpalli fajtor muajin e kaluar këta pesë burra për vrasjen e Nemtsov, por aleatët e politikanit të ndjerë kanë thënë se hetimi ishte maskim dhe se njerëzit që e kanë dhënë urdhrin për vrasjen e tij mbesin në arrati.

Gjykata ia dha dënimin më të madh, 20 vjet burg, Zaur Dadyevit, ish-ushtarit çeçen, për të cilin prokurorët shtetërorë kanë thënë se e kishte kryer vrasjen me dorën e vet.