Kryetari i Komunës së Vushtrrisë, Ferit Idrizi, së bashku me bashkëpunëtorë ka bërë homazhe pranë lapidarit të heroit të Kosovës Xhevat Jusufi në 26-vjetorin e rënies së tij.

Idrizi ka thënë se heroi Xhevat Jusufi mbetet pjesë e pandashme e historisë sonë “si simbol i guximit dhe përkushtimit ndaj atdheut të tij”

“Sot, në 26 vjetorin e rënies përkujtuam jetën dhe veprën e eprorit të lartë të UÇK-së, heroit të Kosovës Xhevat Jusufi, ku bëmë homazhe dhe vendosëm kurora lulesh pranë lapidarit të tij në fshatin Smrekonicë. Heroi Xhevat Jusufi është dhe do të mbetet pjesë e pandashme e historisë sonë, si simbol i guximit dhe përkushtimit ndaj atdheut të tij. Lavdi heroit Xhevat Jusufi dhe të gjithë atyre që dhanë jetën për lirinë e Kosovës!