Truri ynë që të funksionojë mirë duhet të kete disa përberës. Më poshtë do të gjeni disa nga mineralet që i japin trurit tuaj shëndet.

1. Kalciumi

Kalciumi është një mineral thelbësor për funksionimin e trurit. Ai luan një rol kryesor si mesazher i qelizave nervore, rregullon neurotrasmetimin dhe kontrollon impulset nervore. Mungesa e tij në organizëm është e rrallë sepse organizmi ka një rezervë të madhe të mineralit në kocka, por disa medikamente mund ta zvogëlojnë nivelin e tij. Ushqimet që përmbajnë kalcium janë qumështi, kosi, djathi, spinaqi.

2. Magnezi

Magnezi është i rëndësishëm për shndrrimin e vitaminave B në formën aktive të tyre. Një studim tregoi se administrimi i suplementeve të magnezit tek minjtë e rritur përmirësoi kujtesën si dhe kujtesën afatgjatë. Çdo mungesë e tyre çon në probleme neurologjike. Ushqime me magnez janë farat e kungullit, kakaoja pluhur, bajamet dhe kikirikët.

3. Zinku

Akoma nuk dihet se çfarë roli luan zinku në shëndetin e trurit, por mungesa e tij lidhet me çregullime neurologjike dhe psikologjike si sëmundja e Parkinsonit apo sëmundja e Alzheimerit. Ushqime të pasura me zink janë qingji, kungulli dhe mëlçia.