Më shumë se 300 shkencëtarë i kanë thënë Mark Zuckerbergut se duan qasje në hulumtimin e brendshëm të Metës mbi shëndetin mendor të fëmijëve dhe adoleshentëve, sepse nuk i plotëson standardet shkencore, transmeton EkonomiaOnline.

Një koalicion ndërkombëtar prej më shumë se 300 shkencëtarësh që punojnë në fushën e psikologjisë, teknologjisë dhe shëndetit kanë publikuar një letër të hapur për Mark Zuckerberg, duke kërkuar nga CEO i Meta të hapë dyert e kompanisë së tij për studiuesit e jashtëm që duhet të hetojnë efektet e Facebook dhe Instagram mbi shëndetin mendor të fëmijëve dhe adoleshentëve.

Letra u shkrua në përgjigje të dokumenteve të brendshme të zbuluara në Ëall Street Journal nga denoncuesi Frances Haugen. Hulumtimi i brendshëm nga Meta zbuloi se një në tre vajza adoleshente thanë se përdorimi i Instagramit i bënte të ndiheshin më keq për trupin e tyre.

Letra e hapur, e publikuar të hënën, thotë se megjithëse hulumtimi i zbuluar nga Haugen nuk vërteton përfundimisht se platformat e Metës kanë një efekt negativ në shëndetin mendor të adoleshentëve dhe fëmijëve, çështjet në fjalë janë shumë serioze që kompania të mbajë kërkimin e saj me dyer të mbyllura.

Në letër thuhet gjithashtu se bazuar në informacionin e kufizuar publik në lidhje me teknikat e kërkimit të Metës, studimet e brendshme të tij nuk janë mjaftueshëm të plota.