Policia e Kosovës ka publikuar disa foto në Facebook, përmes të cilave ka pasqyruar punën e një njësiti policor në rrugën Prishtinë-Grashticë, gjatë realizimit të detyrave sot në një pikë kontrolli, e cila ka për qëllim parandalimin e kundërvajtjeve dhe aksidenteve në trafik.

“Policia e Kosovës vazhdon me prezencën/patrullimin e saj në lokacione të ndryshme, me interes të ofrimit të sigurisë për qytetarët dhe ngritjes së vigjilencës në trafikun rrugor”, shkruhet më tej në faqen zyrtare të Policisë së Kosovës.