Sado që punonjësit do të mundohen ta bindin veten që janë duke shkuar në punë dhe duhet thjesht ta kyrejnë punën e tyre, kjo nuk funksionon. Punonjësve u duhet dikush i cili i motivon ata dhe i bën ta duan punën, por edhe të mos ndihen të pavlerësuar.

Sigurisht as për shefat kjo nuk është punë e lehtë. Ata mund të bëjnë diçka që ju duket e mirë, por nuk është, ose anasjelltas. Firma kërkimore dhe këshilluese Gartner, i anketoi 5000 menaxherë, për të gjetur se çfarë bëjnë shefat e mirë për t’i zhvilluar punonjësit në mjediset dinamike të sotme.

Pas anketimit rezultoi që ekzistojnë 4 lloje të shefave.

Shefat mësues: I përgatisin punonjësit bazuar në përvojën që kanë. Pra, ata nisen nga mënyra se si i kanë bërë punët dikur, ose vazhdojnë t’i bëjnë ende, prandaj edhe kolegët e tyre duhet t’i bëjnë njësoj. Arsyeja pse ata janë ngritur është për shkak njohurive që kanë.

Shefat vëzhgues: I kontrollojnë vazhdimisht punonjësit e tyre. Qëllimi i tyre është që të jenë pikërisht ata që japin trajnime dhe komente të vazhdueshme.

Shefat nxitës: Kanë qasje më të lehtë duke dhënë pohime pozitive gjatë gjithë kohës. Pra, ata janë mbështetës, por jo edhe aq proaktiv për zhvillimin e aftësive të punonjësve të tyre.

Shefat lidhës: I lidhin punonjësit me të tjerët brenda ekipit ose organizatës. Pra, me personat që janë të përshtatshëm për t’i adresuar nevojat e secilit prej tyre.

Cili lloj i shefit është më i miri?

Sipas bashkautores së “The Connector Manager: Why Some Leader Build Exceptional Talent, and Others Don’t”, Sari Wilde, nuk janë efikas të gjitha këto lloje.

Shefat mësues duan t’i bëjnë gjërat ashtu siç duan vetë dhe nuk pranojnë ide apo strategji të reja. Kjo është problematike në botën e sotme ku kërkohen inovacioni dhe kreativieti.

Shefat nxitës janë më të mirët për ata punonjës që motivohen gjatë gjithë kohës. Megjithatë kjo qasje siç e quan Wile “të mësosh duke bërë” shkakton stres, ulje të sigurisë psikologjike dhe rritje të “djegies” së punonjësve.

E kush ka menduar që shefat kontrollues e rrisin produktivitetin e punonjës mund “të zhgënjehet”, sepse sipas matjes, këta shefa mendojnë që e dinë se çfarë është më e mira, kur në shumë raste as nuk e dinë. Pra, ata mund t’i drejtojnë punonjësit e tyre drejt rrugës së gabuar.

Pra, mbetet që shefat lidhës janë “më të mirët në mbështetjen dhe zhvillimin e karrierës së punonjësve të tyre”, bazuar në efektivitetin dhe gadishmerinë për t’ua rritur aftësitë punonjësve. Si ndodh kjo? Në bazë të lidhjeve të fuqishme që ata i ndërtojnë.

Lidhjes me menaxherin dhe punonjësin, duke i bërë pyetjet e duhura në mënyrë që të njihen me motivimet, interesat, qëllimet etj.

Lidhjes me ekipin, sepse shefat e mirë e dinë që nuk duhet të jenë burimi i vetëm për zhvillimin e punonjësve. Duke e bërë lidhjen me ekipin, punonjësit mundtë ndihen rehat dhe të sigurt t’i ndajnë aftësitë e tyre me njëri tjetrin.

Lidhja me organizatën në përgjithësi është një lidhje tjetër që e shfrytëzojnë shefat lidhës. Ka shumë individë tjerë të cilët ndihmojnë, pra ekipet kanë çfarë të shkëmbejnë me njëri tjetrin.

Si t’i menxhoni shefat e tjerë?

Nuk e kanë të gjithë fatin ta kenë një shef i cili është kujdeset për lidhjet profesionale të punonjësve. Tashmë që i keni mësuar llojet e shefave dhe e shihni që nuk bëni pjesë në grupin e “punonjësve me fat”, ka ende disa rrugë si të keni sukses me të gjithë tipat e shefave.

Sqaroni reagimet: Nëse gjatë gjithë kohës bombardoheni me komente të shefit, krijoni një listë, në të cilat i keni hedhur pikat më të rëndësishme. Kështu i tregoni shefit që jeni duke u kujdesur në punët e duhura.

Ndani qëllimet e karrierës: Pavararësisht se çfarë shefi keni, tregoni atij se cilat aftësi dëshitoni t’i zhvilloni. Mos keni frikë!

Krijoni lidhje vetë: Përqendrohuni të krijoni lidhje vetë dhe t’i shfytëzoni ato lidhje për të marrë udhëzime edhe pa ndihmën e shefit!

Kërkoni projekte me shefa lidhës: Edhe nëse nuk janë shefat tuaj të drejtpërdrejt kërkoni të punoni në ato projekte, prej të cilave vjen ndihma e shefave lidhës.