Të paktën 42 persona janë vrarë në sulmet izraelite në distriktet al-Tuffah dhe al-Shati të Gazës, tha për Reuters Ismail Al-Thawabta, drejtori i zyrës së mediave qeveritare të Hamasit.

Një sulm izraelit në shtëpitë në al-Shati, një nga tetë kampet historike të refugjatëve të Rripit të Gazës, vrau 24 njerëz, tha zëdhënësi,raporton SkyNews.

18 palestinezë të tjerë u vranë në një sulm ndaj shtëpive në lagjen al-Tuffah.

Ushtria izraelite ka lëshuar një deklaratë të shkurtër duke thënë, “Pak kohë më parë, avionët luftarakë të IDF-së goditën dy objekte të infrastrukturës ushtarake të Hamasit në zonën e qytetit të Gazës”.