Drejtori i Klinikës Infektive, Arben Vishaj, në një intervistë për Ekonomia Online ka thënë se në këtë Klinikë janë duke u trajtuar 71 pacientë, prej tyre 65 janë me okisgjenoterapi dhe 13 në gjendje të rëndë shëndetësore.

Tutje, ai tha se në klinikë janë duke dominuar moshat e shtyra me Covid-19.

“Në klinikë infektive jemi duke i trajtuar 71 paciente tek të cilet kemi 65 pacientë me oksigjenoterapi dhe 13 pacientë janë duke u trajtuar në mjekimin intensiv që janë në gjendje të rëndë e kritike. Mjaftueshëm janë duke u bërë testime dhe asnjëherë nuk kemi pasur numër kaq të madh të rasteve pozitive. Në klinikë dominojnë moshat e shtyra dhe pacientë me sëmundje në zemër. Është MSh që vendos për lirim ta masave”, ka thënë ai.