Ish-deputeti i LDK-së, Lutfi Haziri ka thënë se Kosova sot nuk është më e pavarur, as më e lirë e as më demokratike, pa çka thekson se Kosova ka nevojë për LDK-në si kurrë më parë.

“Ne kemi shkaktu procese e kemi realizu andrra, koha që populli t’ia kthej krejt dashninë LDK-së. Me unitet të plotë, kemi nderin që e nominuam për Kryeministër kryetarin tonë, Dr. Lumir Abdxhikun, që do të përkthehet me unitet qytetar në  zgjedhjet e jashtëzakonshme të 28 dhjetorit. E filluam vitin me zgjedhje e po rikthehemi prapë në Zgjedhje Parlamentare. Nëse kërkohet arsyeja e shëndosh, përse?! Është e thjeshtë. Mungoi bashkëpunimi e vullneti dhe vendi u bllokua në një krizë politike të planifikuar e të menaxhuar.  Kosova sot as nuk është më e pavarur, as më e lirë e as më demokratike.  Është pa Kuvend, pa Qeveri dhe shpejt edhe pa buxhet shteti, me një krizë të re”, ka shkruar Haziri.

Ai thekson se më 28 dhjetor është mundësia që të ecet tutje, e t’i kthehemi familjes, atdheut e Zotit.

“Është mundësia që më 28 dhjetor të mos ecim edhe tutje nëpër terr politik, por t’i kthehemi familjes, atdheut e Zotit. Për një vend ku jetohet më mirë, për familjen e Kosovën, me besë e shpresë që e ofron veç LDK. Ne kemi shkaktu procese e kemi realizu andrra dhe koha është që populli t’ia kthej krejt dashninë LDK-së. Kosova ka nevojë për dashni. Kosova ka nevojë për LDK-në si asnjëherë më parë!”, ka shkruar ai.