Autoritetet iraniane thonë se kanë arrestuar 279 persona që pretendojnë se janë të lidhur me “organizata trazirash” të lidhura me Izraelin dhe Shtetet e Bashkuara, ka raportuar BBC.

Shefi i policisë së sigurisë publike iraniane, Faraja, njoftoi arrestimin e 279 sipas tij të “banditëve dhe shkaktarëve të trazirave”, sipas një raporti në llogarinë Telegram të transmetuesit shtetëror iranian IRIB.

Gjatë javëve të fundit të trazirave, zyrtarët iranianë kanë akuzuar SHBA-në dhe Izraelin për nxitje të paqëndrueshmërisë në vend dhe i kanë quajtur protestuesit “vandalë”.

Për kontekst, protestat – të cilat thuhet se janë përhapur në 180 qytete dhe qyteza në të 31 provincat – u nxitën nga zemërimi për rënien e monedhës iraniane dhe koston në rritje të jetesës, shkruan BBC.