Policia e Kosovës ka njoftuar se njësitet e saj nga Drejtoria për Hetimin e Trafikimit me Narkotik kanë asistuar gjatë trajtimit të një rasti të dhunës në familje në rajonin e Ferizaj, pasi që dyshohej për posedim të substancave narkotike.

Sipas komunikatës, në prezencë të një dëshmitari dhe me urdhër të lëshuar nga Gjykata, është kontrolluar prona ku jetonte i dyshuari L.I., mashkull kosovar.

“Në prezencë të një dëshmitari, me urdhër të lëshuar nga Gjykata është kontrolluar prona ku jetonte i dyshuari L.I., M/K, dhe në cilësi të provave materiale janë gjetur dhe konfiskuar”, thuhet në njoftim.

Gjatë kontrollit, policia ka bërë të ditur se janë gjetur dhe konfiskuar:

• “Substancë e dyshuar narkotike e llojit Marihuanë, me peshë 86.7 gr;
• Substancë e dyshuar narkotike e llojit Kokainë me peshë 4.7 gr;
• Substancë e dyshuar narkotike të llojit marihuanë në formë qokollade me peshë 40.2 gr;
• Një pistoletë me gas me një karikator dhe 6 fishekë;
• Para në prerje letre në total 400 euro;
• 2x telefona mobil;
• Një pako me letra për mbështjellje të narkotikëve, si dhe
• Një peshore digjitale”.

Policia thekson se të gjitha veprimet hetimore janë ndërmarrë në bashkëpunim me Prokuroria Themelore në Ferizaj.

“Të gjitha veprimet lidhur me rastin, janë ndërmarrë në bashkëpunim me Prokurorinë Themelore Ferizaj, ndërsa me aktvendim të prokurorit kujdestar, pas intervistimit i dyshuari dërgohet në mbajtje”, thuhet në komunikatë.