Në një intervistë për mediat amerikane, presidenti i SHBA, Donald Trump, komentoi vrasjen e Liderit Suprem të Iranit, Ali Khamenei, duke thënë:

“Unë e godita atë përpara se ai të më sulmonte mua. Ata u përpoqën dy herë. Por unë e godita atë i pari.”

Trump dukej se i referohej një numri përpjekjesh që raportet tregojnë se ishin kryer nga inteligjenca iraniane për ta shënjestruar atë, përpjekja e fundit e të cilës ndodhi gjatë fushatës së tij zgjedhore të vitit 2024.

Kur u pyet se kë shihte si kandidat për të udhëhequr Iranin pas vdekjes së Khameneit, ai deklaroi se asnjë që po mendohej nuk është gjallë.

“Asnjë nga njerëzit për të cilët po mendonim nuk do të jetë atje sepse të gjithë vdiqën. Kandidati i vendit të dytë ose i tretë është gjithashtu i vdekur”, deklaroi Trump.

Më parë, Trump kishte deklaruar se operacionet ushtarake kundër Iranit “do të vazhdojnë derisa të arrihen të gjitha objektivat.”

“Ne goditëm qindra objektiva, duke përfshirë objekte që i përkisnin Gardës Revolucionare, sisteme të mbrojtjes ajrore, 9 anije, përveç një baze detare. I bëj thirrje Gardës Revolucionare, ushtrisë iraniane dhe policisë që të ulin armët për të fituar imunitet ose të përballen me vdekje të sigurt”, shtoi ai.

Presidenti amerikan gjithashtu konfirmoi vrasjen e 3 ushtarëve amerikanë në operacionet kundër Iranit, duke shtuar: “Ka të ngjarë që të ketë më shumë viktima midis amerikanëve.”

Ai i bëri thirrje iranianëve të shfrytëzojnë këtë moment dhe të rimarrin vendin e tyre, duke theksuar mbështetjen e ShBA-ve.