Real Madridi thuhet se ka vendosur një çmim për mesfushorin Eduardo Camavinga.

Madridi pati një natë të shkëlqyer në “Bernabéu” të mërkurën, kur u përball me Manchester Cityn në Ligën e Kampionëve.

Një “hattrick” i jashtëzakonshëm nga Federico Valverde vulosi një fitore bindëse 3-0 ndaj skuadrës së Pep Guardiolës.

Camavinga e nisi ndeshjen nga stoli dhe hyri në lojë në minutën e 70-të, duke zëvendësuar Arda Gülerin.

Francezi është lidhur muajt e fundit me një largim nga “Los Blancos” dhe tani raportohet se klubi ka vendosur një çmim për të.

Sipas mediumit spanjoll “MARCA”, gazetari Matteo Moretto ka deklaruar se Madridi kërkon rreth 50 milionë paund për Camavingan.

Ai tha: “Camavinga nuk është një lojtar i pashitshëm, tashmë ka klube të Premier League që po presin për të. Për momentin Real Madridi nuk ka vendosur një çmim zyrtar, por është e qartë se nuk duan të zbresin nën 50 milionë.”

Camavinga iu bashkua Real Madridit në verën e vitit 2021 nga klubi francez Stade Rennais për rreth 34.4 milionë paund.

Që nga atëherë, 23-vjeçari ka zhvilluar 211 paraqitje në të gjitha garat për Real Madridin, duke shënuar gjashtë gola.

Ai gjithashtu ka fituar dy tituj të La Ligës dhe dy trofe të Ligës së Kampionëve, mes shumë të tjerëve.

Në muajt e fundit, Camavinga është lidhur me klube si Liverpooli, Manchester Unitedi dhe Arsenali.

Koha e tij në fushë është kufizuar kohët e fundit, pasi lojtarë si Federico Valverde dhe Aurélien Tchouaméni janë preferuar më shpesh në formacion.

Pas ndeshjes të mërkurën, Álvaro Arbeloa foli për Valverden dhe tha: “Nuk ka rëndësi ku e vendos në fushë. Për mua ai është Juanito i shekullit të 21-të; është standardi, gjithçka që duhet të jetë një lojtar i Real Madridit është Fede Valverde. Ne e dinim shumë mirë si luan City, si luan Pep dhe çfarë kërkon gjithmonë”.

“I mbyllëm linjat e hapësirës dhe të pasimeve. Ata përpiqen të të detyrojnë të dalësh nga pozicioni dhe të sulmojnë pas shpine, por ne e dinim se nëse prisnim momentin dhe sulmonim pas tyre, mund t’i dëmtonim”, e mbylli ai.