I dërguari i dikurshëm ndërkombëtar në Kosovë, Wolfgang Petritsch, ka deklaruar se Kosova duhet t’i zgjidhë vetë çështjet e brendshme politike, përfshirë zgjedhjen e presidentit të ri.

Ai theksoi se vendimi i Gjykata Kushtetuese e Kosovës do të jetë përcaktues për hapat e ardhshëm, qofshin zgjedhje të reja apo një zgjidhje brenda Kuvendit.

Petritsch nënvizoi se bashkësia ndërkombëtare dhe ajo evropiane nuk mund të imponojnë zgjidhje, pasi fokusi i tyre aktual është në kriza të tjera globale, si lufta në Ukraina dhe tensionet në Lindjen e Mesme.

Sipas tij, mungesa e ndërhyrjes ndërkombëtare këtë herë është sinjal se Kosova duhet të marrë përgjegjësi për funksionimin e institucioneve dhe zgjidhjen e krizave politike në mënyrë të pavarur.

“Le ta shohim se çfarë do të vendos Gjykata Kushtetuese. Dhe duhet të niseni prej aty: a do të ketë zgjedhje të reja, që nuk janë të mirëseardhura, apo do të ketë zgjidhje në Parlament me qëllim që të përzgjedhet dhe zgjedhet një president i ri për Kosovën. Mendoj se këto janë çështje të cilat bashkësia ndërkombetarë ose evropianët nuk mund t’i zgjidhin për Kosovën”. tha ai në rtv21.