Një rast i dhunës në familje është raportuar të premten mbrëma në Prishtinë.

Sipas raportit të Policia e Kosovës, më 9 maj 2026 rreth orës 19:40, pas një mosmarrëveshjeje familjare mes dy bashkëshortëve, një grua dyshohet se ka sulmuar fizikisht bashkëshortin e saj.

Policia ka bërë të ditur se palët janë intervistuar lidhur me rastin, ndërsa me vendim të prokurorit janë liruar në procedurë të rregullt.

“Prishtinë / 09.05.2026 – 19:40. Pas një mosmarrëveshje në familje në mes dy bashkëshortëve, e dyshuara femër kosovare dyshohet se ka sulmuar fizikisht bashkëshortin e saj viktimën mashkull kosovar. Palët janë intervistuar dhe me vendim të prokurorit janë liruar në procedurë të rregullte”, thuhet në raport.