Botërori 2026, që do të organizohet në Shtetet e Bashkuara të Amerikës, Kanada dhe Meksikë, mund të përballet me sfida të mëdha për shkak të kushteve të paqëndrueshme atmosferike.

Sipas raportimeve të fundit, pothuajse të gjitha 104 ndeshjet e turneut mund të jenë të rrezikuara nga ndërprerje të përkohshme gjatë zhvillimit të tyre, si pasojë e fenomeneve të ndryshme të motit.

Qytete si Kansas City, Atlanta dhe Dallas mund të goditen nga stuhi të forta, breshër dhe madje edhe tornado, duke rritur rrezikun për pezullimin e ndeshjeve gjatë zhvillimit të tyre.

Ndërkohë, qytetet bregdetare si Miami dhe Houston pritet të përballen me temperatura shumë të larta dhe lagështi ekstreme, ndërsa Monterrey në Meksikë mund të regjistrojë vapë të jashtëzakonshme gjatë periudhës së kampionatit.

Ekspertët e motit kanë paralajmëruar se organizatorët dhe FIFA do të duhet të jenë të gatshëm për ndryshime të orareve dhe ndërprerje të përkohshme të ndeshjeve, në mënyrë që të garantohet siguria e futbollistëve, stafit dhe tifozëve gjatë Botërorit më të madh në histori.