Romelu Lukaku është gjithnjë e më pranë një transferimi te Fenerbahçe.

Negociatat mes sulmuesit belg dhe klubit turk po avancojnë mirë, ndërsa Fenerbahçe po punon për të arritur marrëveshjen për transferimin e tij.

Napoli kërkon 10 milionë euro për ta lënë të lirë Lukakun. Në këtë shumë përfshihet edhe fakti se Chelsea ka të drejtën e 40% të shumës së shitjes së sulmuesit.

Lukaku, ndërkohë, ka refuzuar ofertat e Besiktasit dhe Trabzonsporit gjatë ditëve të fundit. Ai gjithashtu ka thënë “jo” ndaj një oferte nga Atlanta United.

Kështu, Fenerbahçe duket aktualisht si destinacioni më i mundshëm për “Big Rom”, me negociatat që po vazhdojnë për të finalizuar marrëveshjen.