Maui në Hawaii është tronditur nga vrasja brutale e një roje sigurie 63-vjeçare brenda një resorti plazhi.

Nën dyshimin për krimin ndodhet Legend Storer, një student dhe kampion noti 20-vjeçar. Autoritetet thonë se kamerat e sigurisë e kanë filmuar atë duke lëvizur i zhveshur në ambientet e resortit në orët e para të mëngjesit.

Nga të dhënat e hetimit rezulton se, rreth orës 1:45 të mëngjesit, Storer u drejtua për në zyrën e sigurisë. Aty po kalonte pushimin e turnit 63-vjeçari i identifikuar si Dyer.

Sipas dyshimeve të policisë, 20-vjeçari e hapi zyrën me forcë dhe sulmoi rëndë rojën, duke përdorur edhe një enë të madhe uji me kapacitet afërsisht 19 litra. Dyer humbi jetën për shkak të plagëve të pësuara.