Barcelona është e hapur për shitjen e Jules Koundé gjatë afatit kalimtar të janarit, nëse për mbrojtësin francez vjen oferta e duhur.

Sipas CaughtOffside, katalunasit janë nën presion për të arkëtuar të ardhura përmes shitjeve dhe Koundé është njëri prej lojtarëve që mund të largohet. Chelsea ka shfaqur interes të fortë për 27-vjeçarin, por gjatë afatit kalimtar të verës nuk pati bisedime konkrete për transferimin e tij.

Megjithatë, Koundé nuk është duke kërkuar largimin nga Barcelona dhe aktualisht nuk ka negociata të avancuara për transferimin e tij. Vendimi për një shitje do të varej kryesisht nga oferta që do të mbërrinte në tavolinën e klubit katalunas.

Interesi për francezin nuk vjen vetëm nga Chelsea, pasi edhe Arsenal, Manchester United dhe Bayern Munich janë raportuar si klube që po e monitorojnë situatën e tij.

Koundé ka kontratë me Barcelonën deri në vitin 2030, ndërsa situata e tij në ekip ka ndryshuar këtë sezon, duke bërë që e ardhmja e tij të jetë një prej çështjeve për t’u ndjekur në janar.