Jeton Abazaj, kryesues i Kolegjiumit për Buxhet dhe Financa të AKK-së, ka thënë që qeveria e Kosovës ende e ka inatin që i ka humbur zgjedhjet lokale.

Madje kjo është sipas tij arsyeja e raporteve të këqija të qendrës me ato të niveleve lokale.

“Pushteti lokal, pushteti qendror si të jemi dy shtete ose dy shtete me armiqësi shumë të madhe, janë komunikimet mes nesh”, ka thënë Abazaj në Info Magazine të Klan Kosovës.

“Te zgjedhjet lokale, mirëpo hala e kanë inatin pse e kanë hupë shumicën e komunave edhe tash tentojnë t’i dëmtojnë komunat, dhe pastaj me vendimet që i marrin mendojnë që do ta fitojnë pushtetin lokal në të ardhmen, por kjo nuk ndodh e as nuk do të ndodhë ndonjëherë”.