Kryeministri Albin Kurti gjatë ditës ka pritur në takim krerët e paritve opozitare, Lumir Abdixhikun nga radhët e LDK-së, dhe Memli Krasniqin nga PDK.

Abdixhiku përmes një shkrimi në Facebok, ka thënë se i ka dhënë mbështetje Qeverisë për shtrirjen e ligjmërisë në vend, pasi në kohë si këto uniteti është kryesor.

Tutje Abdixhiku ka shtuar se Kosova nuk e ka luksin të durojë tensionet në territorin e vet.

Postimi i plotë:

Të dashur qytetetarë,

Pas propozimit tonë të djeshëm dhe ftesës së Kryeministrit, sot në mëngjes, së bashku me Kryetarin e PDK-së z. Krasniqi, u takuam me Kryeministrin Kurti.

Në takim, shpreha shqetësimet tona për gjendjen e krijuar në Veri. Dhashë mbështetje për shtrirjen e ligjshmërisë në vend dhe për punën e Policisë tonë atje. Në kohë si këto, uniteti ynë është esencial.

Njëkohësisht kërkova qartësime shtesë për rrugën tonë përpara, qartësime që duhet të na vijnë sa më parë. Kosova nuk e ka luksin të durojë tensionet në territorin e vet.

Kryeministrit Kurti i kërkova poashtu koordinim të plotë me aleatët tanë; në veçanti me SHBA-të dhe BE-në. Është përgjegjësi e detyrim i tij dhe Qeverisë që koordinimi të bëhet menjëherë.