Administrata shtetërore ndodhet në kaos. Dhe, zgjidhja për krijimin e një rendi në këtë administratë shihet përmes shuarjes dhe shkrirjes së një numri të madh institucionesh dhe agjencish të pavarura, shkruan sot Koha Ditore.

Janë disa institucione të pavarura kushtetuese dhe 23 agjenci të cilat janë themeluar nga Kuvendi, në bazë të nenit 142 të Kushtetutës. Disa nga to kryejnë funksione rregullatore, ndërsa disa të tjera funksione klasike ekzekutive. Janë identifikuar raste kur funksionet që kryhen nga agjenci të caktuara, të njëjtat ose të ngjashme kryhen edhe në Qeveri.