Ish-Komandanti dhe ish-drejtuesi ushtarak i UÇK-së, TMK-së, FSK-së pothuaj në të gjitha proceset general-lejtnant Agim Çeku ka folur në ‘RADIO 1’, me rastin e një vjetorit të themelimit të Ushtrisë së Kosovës.

Agim Çeku dikur edhe kryeministër, ministër e zv/ministër është shprehur se pjesa më krenare e jetës së tij është ushtria dhe se ai ndjehet ushtarak. Sot në një vjetorin e themelimit të ushtrisë Çeku thotë se ndjehet i përmbushur.

“Sot një vit ishte një mbyllje e suksesshme e një procesi të gjatë. Rruga drejtë 14 dhjetorit filloi shumë herët. Ishte e gjatë, e mundimshme me shumë sakrifica. Personalisht jam shumë krenarë se jam një ndër akterët që kam arritur ta mbështes këtë proces. Kam qenë në detyra të ndryshme, por unë jam ushtarak, tërë jetën ushtarak. Andaj sot besoni, ndjehem i përmbushur. Kosova ka ushtri moderne me standarde të NATO-së.”-thotë Agim Çeku.

Çeku duke folur për transformimin, është ndalur tek periudhat me rëndësi që ndikuan deri tek themelimi i ushtrisë së vendit.

“UÇK-ja ishte e gjitha me njerëz ushtarak pa përvojë, trima me dashuri për vendin. TMK ishte sukses i jashtëzakonshëm. Aty treguam dhe ndërtuam kulturë ushtarake. Më pas erdhi FSK një tregim shumë i suksesshëm. Kështu arritëm deri tek Ushtria e stome, ushtri i cila sot kudo që shkon, ndërhynë, operon, ta dini se janë më të mirët. Kosova të jetë krenarë me ta. Çmimi ka qenë i madh për çdo gjë. Dëshmorët, gjaku i tyre, e ka vulosur edhe këtë ushtri të sotme të paqes. Atë nuk guxojmë ta harrojmë.”-shprehet Çeku për ‘Radio 1’

Gjeneral-lejtnant Agim Çeku ka dhënë porosi edhe për ushtarët në detyrë.

“Ushtarët janë aty për shërbim dhe sakrificë dhe nuk duhet të harrojnë se mund të vij dita të sprovohen. Unë çdoherë e kam ditur se do vij dita të sprovohem. Andaj ushtarët ta kryejnë punën me nderë e profesionalizëm siç po e bëjnë. Tani janë tjera kohëra, luftëra më nuk ka, por ushtria është ushtri dhe ushtari-ushtar, kurdoherë ushtar.”-përfundoi Çeku.