Kryetari i Prishtinës, Shpend Ahmeti, ka njoftuar se ditët në vijim në bashkëpunim me “TIKA”, do të fillojnë punën në Qendrën e parë Publike në Kosovë për Autizëm dhe Syndrome Down.

Këtë e ka bërë të ditur përmes një postimi në rrjetin social, Facebook, duke thënë se personat e prekur nga autizmi nuk janë persona me nevoja të veçanta. Ata janë të veçantë.

Statusi i plotë i tij:

Personat e prekur nga autizmi nuk janë persona me nevoja të veçanta. Ata janë të veçantë. Ata nuk janë me aftësi të kufizuara. Ata janë me aftësi tjera.

Në ditën ndërkombëtare të autizmit, apo World Autism Awareness Day njoftojmë se ditëve në vijim apo si të plotësohen kushtet për punë bashkë me TIKA fillojmë punën në Qendren e parë Publike në Kosovë për Autizëm dhe Syndrome Down.