Njohës i çështjeve të emergjencave dhe njëherësh Drejtor Ekzekutiv i Qendrës Kërkimore për Politika të Sigurisë (SPRC),Tahir Ahmeti, ka thënë se sigurimet shëndetësore dhe pagesat e rrezikshmërisë janë nevoja urgjente për institucionet e sigurisë.

Sipas tij,kjo është diçka elementare, për njërin ndër sektorët më të rëndësishëm të Kosovës.

“Institucionet e sigurisë si dhe ato të emergjencave duhet të kenë sigurime shëndetësore, si dhe pagesat e rrezikshmërisë. Është urgjente, është diçka elementare për njërin ndër sektorët më të rëndësishëm të shtetit të Kosovës” ka thënë ai.