Ajsbergu i madh i shkëputur nga kontinenti i Antarktidës po lëviz drejt oqeanit të hapur.

Sipas lajmit të BBC-së në pamjet satelitore shihet distanca në mes të ajsbergut në gjerësi prej 6 mijë kilometrash, i cili ditë më parë u shkëput nga masa e akullit Larsen C në veriperëndim të Antarktidës. Ajsbergu është ndarë nga masa me një shtresë të hollë uji dhe një shtresë të ngushtë akulli.

Shkencëtarët e Institutit “Alfred Wegener” në Gjermani, të cilët e vëzhgojnë lëvizjen e ajsbergut të quajtur “A-68”, kanë bërë të ditur se sipas pamjeve të siguruara nga sateliti Deimos-1, ajsbergu deri më tani ka lëvizur ashtu siç pritej.

Ky ajsberg pritet që me ndikimin e erërave që vijnë nga Deti Weddel, nga bregu drejt detit, të përhapet drejt oqeanit.

Mirëpo për shkak të “Coriolis effect”, parashihet që ajsbergu të mbetet rreth brigjeve të Antarktidës.

Ajsbergu i shkëputur nga Antarktida është një trilion ton, katër herë sa sipërfaqja e Londrës.